ಬಿಜೆಪಿ ಸದಸ್ಯತ್ವ ಅಭಿಯಾನಕ್ಕೆ ಚಾಲನೆ

ಬಾಗಲಕೋಟೆ ನಗರದ ಜನ ಸಂಪರ್ಕ ಕಾರ್ಯಾಲಯದಲ್ಲಿ ಮಂಗಳವಾರ ಬಿಜೆಪಿ ಸದಸ್ಯತ್ವ ಅಭಿಯಾನಕ್ಕೆ ಚಾಲನೆ ನೀಡಲಾಯಿತು. ಧರ್ಮ, ರಾಷ್ಟ್ರ ರಕ್ಷಣೆಯಲ್ಲಿ ಬಿಜೆಪಿ ಪಕ್ಷವು ಬದ್ಧತೆ ಇರುವ ಏಕೈಕ ರಾಷ್ಟ್ರೀಯ ಪಕ್ಷವಾಗಿದೆ. ತನ್ನ ಸೇವಾ ಗುಣಗಳಿಂದ ಜನ ಸಾಮಾನ್ಯರ ಪಕ್ಷವಾಗಿ ಗುರುತಿಸಿಕೊಂಡಿದೆ ಎಂದು ವಿ. ಪ ಸದಸ್ಯ ಪಿ. ಎಚ್. ಪೂಜಾರ ಹೇಳಿದರು. ಬಿಜೆಪಿ ಸ್ಪಷ್ಟವಾದ ಸೈದ್ಧಾಂತಿಕ ಪಕ್ಷ. ಚುನಾವಣೆ ದೃಷ್ಟಿಕೋನದಿಂದ ಈ ಪಕ್ಷ ಜನ್ಮ ತಾಳಿಲ್ಲ. ರಾಷ್ಟ್ರಪ್ರೇಮ, ಜನ ಜಾಗೃತಿ, ಸಾಮಾಜಿಕ ಬದ್ಧತೆ ಅಳವಡಿಸಿಕೊಂಡು ಬೆಳೆದು ನಿಂತಿದೆ ಎಂದರು.